Чи хаашаа явж байна?

Чи хаашаа явж байна? Энэ асуултыг өдөр болгон өөрийн эрхгүй өөрөөсөө асуудаг. Энэ биеэрээ хаашаа явж байгаа нь биш, ирээдүйгээ хаашаа залж байгаа тухай асуулт юм л даа. "Гортигоо бариад байгаа маа" гэж нэг хошин шог дээр гардаг даа, тэрэн шиг өөрийн амьдралын хөндлөгөөс хараад "Гортигоо барьж" байгаа эсэхээ хянахад амар байдаг юм.



Хэрэв өөрийн баримталдаг хэдхэн зарчмаасаа гажсан байвал сэтгэлээр унана, бүр навс унана, харин дуулгавартайгаар өөрийнхөө хэлэхийг дагаж байгаа бол сэтгэл тэнэгэр, яг л гэрийн даалгавраа зөв хийгээд багшдаа шалгуулаад онц авсан хүүхэд шиг баярлана.

Цээж дүүрэн (гэдэс дүүрэн биш) явбал тэр миний жаргал
Толгой дүүрэн (түрийвч дүүрэн биш) явбар тэр миний амжилт!

Дээрх үгийг би өөрөө өөртөө зориулж зохиосон юм. Миний жижигхэн уриа гэх юм уу даа. За өнөөдөртөө ингээд л боллоо.